അതാരാണ്?

സമൂഹത്തിനു നേരെ പുഞ്ചിരിക്കണം
അല്ല, ഇളിക്കണം
കൊഴിയുന്ന പല്ലുകൾ കാണിക്കണം
അല്ല, നടിക്കണം
കറു കറുത്ത ഹൃദയം തുറന്നിടണം
അല്ല, സഹിക്കണം
ചീഞ്ഞളിഞ്ഞ മുഖം വൃത്തിയാക്കണം
അല്ല, ധരിക്കണം !
എല്ലാം ആരോ പറഞ്ഞ പോലെ
നീയും ഞാനും
നിനക്കോ എനിക്കോ
മനസിലാവുന്നല്ല്ല.. അല്ലേ? 

നിശബ്‌ദത

വിഷമങ്ങൾ ദൂരെയിൽ നിന്ന്

എന്നെ നോക്കി ചിരിച്ചു

അടുത്ത് അടക്കി ചിരിക്കുന്ന

മൊബൈൽ ശബ്‌ദിച്ചു

നിശബ്ദതയിൽ നിലാവ്

ഇരുട്ട് പരത്തി

അകലങ്ങളിൽ നിന്ന് 

കൂടാരത്തിലേക്ക് എത്തി

പക്ഷെ, മുഖങ്ങളിൽ

സ്നേഹം വിതുമ്പി

കടം

നാളെയാണ് നാളെയാണ്
സത്യ വാക്കാണ് പറഞ്ഞത്
ദിവസം രണ്ടല്ല മൂന്ന്
എവിടെ വാക്കും പാക്കും
ഞാനോ നീയോ കുറ്റക്കാരൻ?
പാവം കടക്കാരൻ!!!