അകംപുറം

ഒരേനിറമായിരുന്നു
നിന്നിലെ പുറവും,
എന്നിലെ അകവും.
ചോരത്തിളപ്പിൽ ഞാൻ
കണ്ടുവെച്ചതു അവളായിരുന്നിട്ടും
നിന്റെ  അതീവസുന്ദരമേനിയിലായിരുന്നു
രക്തം തുളുമ്പുന്ന കൈകളുടെ
സ്‌പർശമേറ്റത്.
ഒരുവാക്കും എതിർപറയാതെ
എനിക്കായി നീ മൗനം പാലിച്ചു
ഇര അവളായിരുന്നിട്ടും
നിന്നെ,ഇരയാക്കേണ്ടി വന്നു
നിന്നിലെ പുറമോ
അവളിലെ അകമോ
എന്നിലെ അകംപുറമോ
ആരാണ് ഉത്തരവാദി?

മോഡേൺ

ആദ്യം അവൾക്ക്

ഞാൻ ലൗ ലെറ്റർ നൽകി

പഴഞ്ചൻ ഏർപ്പാട് എന്ന്

മറുപടി തന്നു

പിന്നെ സുന്ദരിക്ക്

കരിവളകൾ കൊടുത്തു

തനി നാടൻ ആണല്ലേ എന്ന്

പരിഹാസ്യം പറഞ്ഞു

വിണ്ടും പ്രണയിനിക്ക്

കരിമഷി സമ്മാനിച്ചു.

കോലം കെട്ടിക്കുകയാണോ എന്ന്

ഒരു ചോദ്യം ഉതിർത്തു

അവസാനം കാമുകിക്ക്

കാമം പങ്കു വെച്ചു.

നമ്മൾ മോഡേൺ ആയി

അല്ലേ? എന്ന്
ഒരു പുഞ്ചിരിവാക്ക് മൊഴിഞ്ഞു.

ഇന്നും

ചന്ദ്രികാ വസന്തം ഞാൻ കൊതിക്കും മുമ്പേ
മാനിൽ തെളിഞ്ഞു നിൽക്കുവേ
എന്നിൽ പുഞ്ചിരി പുൽകി നിന്നേ
പ്രകാശത്തിൻ പ്രതിഫലമേ
എവിടെക്കോ നീ ഓടി ഒളിച്ചതേ
ഞാൻ കണ്ടിട്ടില്ലായിരുന്നെങ്കിലേ
നീ വീണ്ണിൽ സൗന്ദര്യം തൂക്കി നിൽക്കുമെന്ന് തീർച്ച
മേഘങ്ങൾക്കിടയിൽ മറഞ്ഞിരിപ്പും മുമ്പേ
എൻ മനതാരിൽ സൂക്ഷിച്ചു വെച്ചു നീന്നെ
എന്നിട്ടും കറുത്ത മുഖംമൂടി ധരിച്ചേ
എന്റെ നയനങ്ങൾക്ക് നിൻ ഹൃദയം സമ്മാനിച്ചതല്ലേ
ഇന്നും നിലാവിൽ നിന്റെ ശബ്ദം കേൾക്കെ
ഞാൻ ഓടി വന്നിരുന്നു, നീ അറിയാതെ